තවලම ප්රාදේශිය සභාව නවීන තාක්ෂණයත් සමග ඉදිරියට යමින් වේගයෙන් දියුණු වන ලෝකයේ කොටස් කරුවෙක් ලෙස එක් විම මාගේ අරමුණයි. ඒ අනුව තවලම ප්රාදේශිය සභාව මගින් ජනතාවට කාර්යක්ෂම හා විශ්වාසදායි සේවයක් ලබා දිම සදහා මෙම වෙබ් අඩවිය ආරම්භ කරන ලදි. නුතන ලෝකය තුළ තොරතුරු තාක්ෂණය යොදා ගනිමින් ප්රශස්ත ප්රාදේශිය සභාවක් ලෙස නැගි සිටිමටත්, තිරසාර සංවර්ධනය තුළින් ජනතාවට යහපත් සේවයක් සපයමින් ඉදිරියට යෑමට මා සමග එක්වන ලෙස ඇරයුම් කරමි.
Chairman
S. Deshan Madusanka
Thawalama Pradeshiya Saba
නවීන තාක්ෂණය හා අඛණ්ඩව යාවත්කාලීන වෙමින් සන්නිවේදනයේ දියුණුව හරහා රාජ්ය සේවයේ කාර්යක්ෂමතාව හා සඵලදායීත්වය ඉහළ නැංවීම තුලින් ජනතා සේවය පිණිස මෙන්ම දැනුම්වත් ප්රජාවක් ප්රතිනිර්මාණය කිරීමේ මෙහෙවරක් ලෙස තවලම ප්රාදේශීය සභාව මගින් වෙබ් අඩවියක් නිර්මාණය කිරීමේ මහාර්ඝ කටයුත්තට දායක වීම භාග්යක් කොට සලකමි.
තවලම ප්රාදේශීය සභා බල ප්රදේශයේ පුරවැසියන්ගේ ජීවන තත්වය නංවාලමින්, ඔවුන්ගේ සෞඛ්ය හා සනීපාරක්ෂාව, අධ්යාපනය, යටිතල පහසුකම් ආදී සියලු ක්ෂේත්රයන් ආවරණය වන පරිදි සමෘද්ධිමත් වටපිටාවක් ගොඩනැංවීමේ ක්රියාන්විතයෙහි නියමුවන් ලෙස ක්රියා කරන අප ප්රාදේශීය සභාව මගින් සපයනු ලබන සේවාවන් පිළිබදව තොරතුරු සැපයීම මෙම අඩවිය මගින් සිදු කෙරෙන මූලික කර්තව්යය වේ.තොරතුරු දැනගැනීම සහ අයදුම්පත් ලබා ගැනීම වැනි සේවාවන් සදහා ස්ථානයට පැමිණි සේවාව ලබා ගැනීමේ සාම්ප්රදායික ක්රමවේදය වෙනුවට කාර්යබහුල ජනජීවිතය හමුවේ මාර්ගගත ක්රමවේදයන් මගින් කාලය හා මුදල් ඉතිරි කරමින් පහසුවෙන් සේවාවන් සැපයීමේ විධිමත් ක්රියාවලියක් හදුන්වා දීමේ පරමාර්ථය කැටුව නිර්මාණය කරන ලද මෙම වෙබ්අඩවිය මගින් සේවාලාභීන් මෙන්ම කාර්යමණ්ඩලය සදහාද තම දෛනික රාජකාරි සුමටව කාර්යක්ෂමව ඉටුකිරීම සදහා පිටුබලයක් ලබා දෙනු ඇතැයි මම විශ්වාස කරමි.
නවමු ආරම්භයක් ලෙස හදුන්වාදෙන ලද මෙම සේවාව වේගයෙන් දියුණුවන තාක්ෂණය හමුවේ යාවත්කාලීන වෙමින් ඒ හා සමගාමීව දියුණු කරමින් ජනතාවට ඒ මගින් ප්රශස්ත මට්ටමේ සේවාවක් ලබා දීමට සුදුසු පරිදි ඉදිරියට රැගෙන යාමට ඔබ සියලු දෙනාගේ සක්රිය දායකත්වය අපේක්ෂා කරන අතර ඒ වූ කටයුත්ත වෙනුවෙන් මාගේ උපරිම සහයෝගය ලබාදීමට මම බලාපොරොත්තු වෙමි.
Secretary
A. P Thanuja Shamali
Thawalama Pradeshiya Saba
